منشیات اسمگلنگ کے خلاف کارروائیوں کا سلسلہ جاری ہے۔پاکستان میں دن بدن منشیات کی سمگلنگ عام ھوتی جارہی ہےـ اے این ایف (اینٹی نارکوٹک فورس)نے منشیات اسمگلنگ کے خلاف کارروائیوں کا سلسلہ جاری کر دیا ہے۔
اینٹی نارکوٹک فورس کے ترجمان کا کہنا ہے کہ فیصل آباد سے بحرین جانے والی پرواز میں سوار مسافر سے 194 گرام آئس برآمد کی گئی ہےـ پنجاب کے شہرلاہور میں سرگودھا روڈ پر گاڑی سے 86.4 کلو چرس اور 34.8 کلو افیون برآمد ہوئی۔ الرحمن گارڈن لاہور کے قریب دو ملزمان سے 30 کلو چرس اور حیدرآباد کی یونیورسٹی کے قریب ملزم سے 5 کلو چرس برآمد کر لی گئی۔ کراچی کےعلاقے سہراب گوٹھ کےقریب ملزم سے 950 گرام چرس اوردارلحکومت اسلام آباد کے قریب غیرملکی باشندے سے 500 گرام چرس برآمد ہوئی۔
گرفتار ملزمان کے خلاف مقدمات درج کر کے تحقیقات کا آغاز کر دیا گیا ہے۔
