اسلام آباد: وفاقی وزیر صحت مصطفیٰ کمال اور نیشنل کوآرڈینیٹر کی زیر صدارت ایس آئی ایف سی میں اعلیٰ سطح اجلاس منعقد ہوا۔
اجلاس میں پاکستان کے شعبہ صحت اور فارماسیوٹیکل انڈسٹری کی بہتری اور استحکام کے لیے اہم اقدامات پر تبادلہ خیال کیا گیا۔
اجلاس میں مقامی سطح پر ویکسین کی تیاری کیلئے مؤثر لائحہ عمل اور مستحق مریضوں کے خصوصی علاج کی شفاف منظوری کے طریقہ کار پر غور کیا گیا۔
اجلاس میں ادویات کی قیمتوں کے تعین اور فارماسیوٹیکل برآمدات کے فروغ کیلئے فارما ایکسپورٹ کونسل کے قیام پر بھی گفتگو ہوئی۔
ایس آئی ایف سی کا کہنا ہے کہ ایس آئی ایف سی ویکسین کی مقامی تیاری میں خودکفالت حاصل کرنے اور پاکستانی فارماسیوٹیکل شعبہ کی عالمی برآمدات کے فروغ کیلئے پرعزم ہے۔


