اسلام آباد: پاکستان کے معدنی ذخائر میں عالمی سرمایہ کاری کے لیے اہم موقع ہے، برآمدات کے فروغ کی خاطر منرلز انویسٹمنٹ فورم 2026 کا انعقاد کیا جارہا ہے۔
پاکستان قدرتی معدنی وسائل سے مالامال ملک ہے، جہاں معدنی شعبے میں معاشی ترقی، عالمی سرمایہ کاری کے حصول اور برآمدات بڑھانے کے وسیع امکانات موجود ہیں۔
ملک میں تانبا، سونا، لیتھیم اور نایاب زمینی عناصر سمیت اہم معدنیات کے وسیع ذخائر موجود ہیں جن سے بھرپور استفادے اور عالمی منڈیوں تک رسائی کے لیے اقدامات جاری ہیں۔
پاکستان کے معدنی شعبے میں سرمایہ کاری کے مواقع عالمی سطح پر اجاگر کرنے کے لیے پاکستان منرلز انویسٹمنٹ فورم 2026 منعقد کیا جا رہا ہے۔
فورم کے ذریعے عالمی سرمایہ کاروں کو پاکستان کی معدنی صلاحیت، قدرتی وسائل اور سرمایہ کاری کے مواقع سے روشناس کرایا جائے گا.
معدنی وسائل کے بہتر استعمال، برآمدات میں اضافے اور عالمی منڈیوں تک رسائی کے امکانات کو بھی اجاگر کیا جائے گا۔
