پشاور: کمشنر پشاور نے جمیل چوک انڈر پاس منصوبے کا دورہ کیا۔
کشمنر نے تعمیراتی کام تیز کرنے اور منصوبہ مقررہ مدت میں مکمل کرنے کی ہدایت جاری کی۔
دورے کے دوران گفتگو کرتے ہوئے کمشنر پشاور نے کہا کہ جمیل انڈر پاس منصوبے پر تعمیراتی کام تیز رفتاری سے جاری ہے۔
اس منصوبے کا افتتاح 15 نومبر تک کیا جائے گا۔
کمشنر پشاور کا کہنا تھا کہ عوام کو آمدورفت میں کم سے کم مشکلات کا سامنا ہو۔
کمشنر نے کہا کہ تعمیراتی کام تیز رفتاری سے مکمل کیا جائے۔
انہوں نے کہا کہ منصوبے کی بروقت تکمیل کیلئے تعمیراتی مقام پر تین شفٹوں میں کام جاری رکھنے کی ہدایت کی گئی ہے۔
کمشنر پشاور نے کہا کہ جمیل چوک انڈر پاس کی بروقت تکمیل اور شہریوں کو سہولت فراہم کرنا اولین ترجیح ہے۔
