خیبرپختونخوا کے قبائلی ضلع شمالی وزیرستان میں سیکیورٹی فورسز نے متعدد انٹیلیجنس بیسڈ کارروائیاں کرتے ہوئے 4 اہم کمانڈرز سمیت 62 دہشت گردوں کو ہلاک کردیا ۔
سیکیورٹی ذرائع کے مطابق گزشتہ روز سے شمالی وزیرستان میں جاری کارروائیوں کے دوران انٹیلیجنس اطلاعات کی بنیاد پر خوارج کی نقل و حرکت اور ان کے ٹھکانوں کی مسلسل نگرانی کی گئی ۔
سیکیورٹی ذرائع کے مطابق کواڈ کاپٹر کے ذریعے درختوں کے نیچے چھپے دہشتگردوں کی نشاندہی کی گئی، جس کے بعد انہیں درست کارروائی کے ذریعے نشانہ بنایا گیا، اس دوران فرار ہونے کی کوشش کرنے والے زخمی دہشتگردوں کو بھی نشانہ بنایا گیا ۔
سیکیورٹی فورسز کی کارروائیوں میں 4 اہم خوارج کمانڈرز بھی ہلاک ہوئے، حکام کے مطابق شمالی وزیرستان میں جاری کارروائیوں کے دوران اب تک 62 دہشتگرد ہلاک ہو چکے ہیں، جبکہ متعدد دیگر زخمی ہوئے ہیں ۔
سیکیورٹی ذرائع کا مزید ہنا تھا کہ کارروائیوں کے دوران خوارج کے متعدد ٹھکانے تباہ کیے گئے جبکہ بڑی مقدار میں اسلحہ اور گولہ بارود بھی برآمد کیا گیا ۔
سیکیورٹی فورسز نے واضح کیا ہے کہ علاقے میں دہشتگردی کے مکمل خاتمے اور آخری خوارجی کے خاتمے تک کارروائیاں بلا تعطل جاری رہیں گی ۔
