ہری پور میں خانپور ڈیم میں مری کا رہائشی 17 سالہ شرجیل ڈوب کر جاں بحق ہو گیا ، ریسکیو اہلکاروں نے نوجوان کی لاش ڈیم سے نکال لی ۔
ہری پور: اطلاع موصول ہوتے ہی ڈسٹرکٹ ایمرجنسی آفیسر ظاہر میاں کی ہدایت پر ریسکیو ہری پور کی غوطہ خور ٹیم سٹیشن سے موقع پر پہنچ گئی اور نوجوان کی تلاش کے لیے آپریشن شروع کر دیا ۔
ریسکیو ٹیم نے 15 منٹ کے کامیاب آپریشن کے بعد نوجوان کا جسد خاکی پانی سے نکال کر ٹائپ ڈی ہسپتال منتقل کر دیا جہاں ڈاکٹر نے موت کی تصدیق کر دی ۔
ریسکیو حکام نے بتایا کہ متوفی نوجوان اپنے دوستوں کے ساتھ خانپور ڈیم سیر کے لیے آیا تھا کہ نہاتے ہوئے ڈوب گیا ۔
