پشاور (شوبز رپورٹر): کراچی کے علاقے لیاری سے پیپلز پارٹی کے منتخب رکن قومی اسمبلی نبیل گبول نے عوامی گپ شپ کے دوران کہا تھا کہ اگر فیفا چاہے تو اپنا اگلا بڑا ٹورنامنٹ لیاری میں منعقد کر سکتی ہے اور پاکستان اس کی میزبانی کے لیے مکمل طور پر تیار ہے۔
ان کے اس بیان پر معروف اینکر اور اداکارہ مشی خان نے ردعمل دیتے ہوئے کہا ہے کہ لیاری کے عوام کو درپیش بنیادی مسائل پر زیادہ توجہ دینے کی ضرورت ہے۔
مشی خان نے کہا کہ لیاری میں ٹوٹی پھوٹی سڑکیں، خراب سیوریج نظام، پینے کے صاف پانی کی قلت اور نامکمل ترقیاتی منصوبے سنگین مسائل ہیں جن پر فوری توجہ دی جانی چاہیے۔
انہوں نے مزید کہا کہ سیاسی نمائندوں کو عوامی مسائل کے حل کے لیے عملی اقدامات کرنے چاہییں، نہ کہ صرف بیانات یا دعووں تک محدود رہنا چاہیے۔
مشی خان کے مطابق لیاری کے عوام طویل عرصے سے بنیادی سہولیات کی کمی کا شکار ہیں، اس لیے ضروری ہے کہ ترقیاتی منصوبوں کو مکمل کرنے پر ترجیح دی جائے۔
