لاہور: وزیراعلیٰ پنجاب مریم نواز شریف کے کسان کارڈ منصوبے نے صوبے میں نئی تاریخ رقم کر دی۔
پنجاب بھر میں پہلی مرتبہ 8 لاکھ 32 ہزار سے زائد کاشتکاروں کو کسان کارڈ جاری کیے گئے ہیں.
832,000 کاشتکار مجموعی طور پر 2 ارب 54 کروڑ روپے کے زرعی قرضے استعمال کر چکے ہیں۔
پانچ لاکھ 38 ہزار کاشتکاروں سے 67 ارب روپے کی وصولی واجب الادا تھی، جس میں 86 فیصد ریکوری کا ریکارڈ قائم ہوا۔
کاشتکاروں نے 57 ارب روپے کی اقساط بروقت ادا کر کے ذمہ داری کی بہترین مثال پیش کی۔
خریف کی فصل کے لیے کسان کارڈ کے ذریعے کاشتکاروں کو 90 ارب روپے فراہم کیے گئے.
تین لاکھ کاشتکار 30 ارب روپے کی زرعی مداخل حاصل کر چکے ہیں۔
وزیراعلیٰ پنجاب مریم نواز شریف نے کہا کہ کسان کارڈ کے ذریعے پنجاب کے کاشتکار کی قسمت بدل رہی ہے۔
ان کا کہنا تھا کہ پنجاب کا کاشتکار اب کسی آڑھتی کا مقروض نہیں ہوگا بلکہ باوقار زندگی گزارے گا۔
مریم نواز شریف نے کہا کہ پنجاب کے کاشتکار کو مالی خودمختاری اور خوشحالی کی راہ پر گامزن دیکھنا ان کا خواب ہے.
