بیجنگ: آرمی چیف و چیف آف ڈیفنس فورسز فیلڈ مارشل سید عاصم منیر کی چین کے وزیراعظم لی چیانگ کے ساتھ غیر رسمی ملاقات ہوئی۔ ملاقات عظیم عوامی ہال میں منعقدہ پُروقار استقبالیہ تقریب کے دوران ہوئی۔
اس موقع پر چینی وزیراعظم لی چیانگ نے گرمجوشی سے فیلڈ مارشل سید عاصم منیر کے ساتھ مصافحہ کیا جبکہ دونوں رہنماؤں کے درمیان تبادلہ خیال بھی ہوا۔
واضح رہے کہ فیلڈ مارشل سید عاصم منیر اس وقت وزیراعظم شہباز شریف کے ہمراہ چین کے دورے پر موجود ہیں۔
پاکستان اور چین کے درمیان دفاعی، اقتصادی اور سفارتی تعلقات کو خطے میں اہمیت حاصل ہے، جبکہ حالیہ دورہ دونوں ممالک کے تعلقات کو مزید مضبوط بنانے کی کوششوں کا حصہ قرار دیا جا رہا ہے۔
