مانسہرہ میں تھانہ اوگی کی حدود اربوڑہ میں قتل کے واقعہ میں نامزد تینوں ملزمان کو 2 گھنٹوں کے اندر گرفتار کرلیا گیا ۔
ضلعی پولیس سربراہ مانسہرہ محمد اظہر خان کے احکامات کی روشنی میں تھانہ اوگی پولیس نے بروقت اور مؤثر کارروائی کرتے ہوئے اربوڑہ میں پیش آنے والے قتل کے واقعہ میں ملوث و نامزد تینوں ملزمان کو وقوعہ کے صرف 2 گھنٹوں کے اندر گرفتار کر لیا ۔
تھانہ اوگی کی حدود اربوڑہ میں قتل کا افسوسناک واقعہ پیش آیا، جس پر پولیس نے فوری کارروائی کرتے ہوئے مختلف مقامات پر چھاپہ مار کارروائیاں اور ناکہ بندیاں شروع کر دیں ۔
پولیس نے بروقت کارروائی کرتے ہوئے نامزد ملزمان بختیار، سراج اور ممتاز سکنان لڑی اربوڑہ کو گرفتار کر لیا،گرفتار ملزمان سے مزید تفتیش کا سلسلہ جاری ہے ۔
