پشاور (خصوصی رپورٹر) ناظرین کو روزمرہ پریشانیوں اور ذہنی دباؤ سے نجات دلانے کے لیے کے ٹو پشاور اور اسلام آباد سے "سوشل جنکشن” اور "خیبر جنکشن” کے عنوان سے دلچسپ اور موسیقی سے بھرپور پروگرام پیش کیے جا رہے ہیں۔
اسی سلسلے کا ایک مقبول پروگرام "سر ہزارہ” بھی ہے، جو ہزارہ ڈویژن کے ناظرین میں خاصی مقبولیت حاصل کر چکا ہے۔ اس پروگرام کی میزبانی نوشین اور رزاق المعروف چاند میاں کر رہے ہیں۔
پروگرام میں براہ راست ناظرین کی فرمائش پر رزاق ہندکو، پنجابی ماہیے اور روایتی فوک ٹپے اپنی دلکش آواز میں پیش کرتے ہیں، جنہیں نہ صرف ہزارہ بلکہ ان دیگر علاقوں میں بھی بے حد پسند کیا جاتا ہے جہاں ہندکو بولنے، لکھنے اور سمجھنے والے لوگ بڑی تعداد میں آباد ہیں۔
