وفاقی وزیر داخلہ کا اسلام آباد ماڈل جیل اور نیشنل پولیس اکیڈمی میں زیر تعمیر ہاسٹل کا دورہ، تعمیراتی کاموں پر پیشرفت کا جائزہ لیا ۔
اسلام آباد: وزیر داخلہ محسن نقوی نے ماڈل جیل اور زیر تعمیر ہاسٹل کے تعمیراتی کاموں پر پیشرفت کا جائزہ لیا،انہوں نے بیرکس کا معائنہ کیا ۔
اس موقع پر محسن نقوی نے تعمیراتی کام کی رفتار و معیار پر اطمینان کا اظہارکرتے ہوئے کہاکہ اسلام آباد میں جدید ماڈل جیل کا قیام سیکیورٹی کے پیشِ نظر بہت ضروری ہے ۔
وزیر داخلہ نے تعمیراتی کاموں کی رفتار اور معیار پر خصوصی توجہ دینے کی ہدایت کرتے ہوئے کہاکہ نیشنل پولیس اکیڈمی میں جدید انفراسٹرکچر کے قیام سے پولیس تربیت کا معیار مزید بلند ہوگا، ہاسٹل کی تکمیل سے پولیس افسران کو بہترین رہائشی سہولتیں مہیا کی جا سکیں گی ۔
وزیر داخلہ محسن نقوی نے ہدایت کی کہ منصوبے کی جلد تکمیل کے لیے ڈبل شفٹ میں کام کیا جائے ۔
