مظفر آباد: سٹیٹ ڈیزاسٹر مینجمنٹ اتھارٹی نے آزادکشمیر میں 16 اپریل سے اب تک بارشوں اور طوفان کے نقصانات کی تفصیل جاری کر دی، جس کے مطابق گزشتہ روز آسمانی بجلی گرنے سے سدھنوتی میں شہری جاں بحق ہوا ۔
ایس ڈی ایم اے کی رپورٹ کے مطابق آسمانی بجلی گرنے سے میرپور میں ایک شہری زخمی بھی ہوا ہے، ضلع پونچھ میں لینڈ سلائیڈنگ سے ایک گھر مکمل تباہ ہوگیا ۔
رپورٹ کے مطابق 16 اپریل سے اب تک مجموعی طور پر جاں بحق افراد کی تعداد 3 ہوگئی جبکہ اس دوران 4 افراد زخمی بھی ہوئے، مختلف حادثات میں 4 گھر مکمل تباہ ہوئے جبکہ 68 گھروں کو جزوی نقصان پہنچا ہے ۔
سٹیٹ ڈیزاسٹر مینجمنٹ اتھارٹی کی رپورٹ میں مزید کہا گیا ہے کہ بارشوں اور آندھی سے 9 دکانیں ، 2 سکول اور مویشیوں کو بھی قنصان پہنچا ہے ۔
