ڈیرہ اسماعیل خان میں میڈیا سے گفتگو کرتے ہوئے وزیراعلیٰ خیبرپختونخوا علی امین گنڈاپور نے کہا ہے کہ ابھی حکومت کے ساتھ مذاکرات چل رہے ہیں اور سول نافرمانی شروع کرنے کا فیصلہ نہیں ہوا ۔
علی امین گنڈاپور نے بشریٰ بی بی کے اکیلے چھوڑے جانے کے دعوے کی تردید کرتے ہوئے کہا کہ ڈی چوک احتجاج میں وہ شروع سے آخر تک بشریٰ بی بی کے ساتھ تھے، اگر بشریٰ بی بی نے اکیلے چھوڑے جانے کی بات کی ہے تو یہ ان کی ذاتی رائے ہے ۔
ان کا کہنا تھا کہ اگرحکومت مذاکرات نہیں کرتی تو ہماری تحریک تو ویسے بھی چل رہی ہے ایسی پارٹیوں پر لعنت بھیجتے ہیں جو اپنے آپ کو جمہوری کہہ کر دوسری پارٹیوں پر پابندی کی بات کرتی ہیں ۔
ان کا کہنا تھا پانی پت جنگ کی طرح حملے کریں گے، 5 حملے ہم نے کر لیے ہیں، جس طرح محمود غزنوی نے 17 حملے کیے ہم بھی اسی طرح حملے جاری رکھیں گے ۔
