اسلام آباد میں فائرنگ کا واقعہ پیش آیا جس کے نتیجے میں پولیس سب انسپکٹر حیدر شاہ شہید ہو گئے۔
اسلام آباد پولیس کا کہنا ہے کہ سب انسپکٹر حیدر شاہ کو گھر کے قریب کار سوار مسلح ملزمان نے نشانہ بنایا۔
اسلام آباد پولیس کے مطابق شہید سب انسپکٹر حیدر شاہ سی آئی اے پولیس میں تعینات تھے۔
ترجمان اسلام آباد پولیس کا کہنا ہے کہ آئی جی اسلام آباد نے سب انسپکٹر حیدر علی شاہ کے قاتلوں کی گرفتاری کا حکم دیدیا ہے جبکہ ملزمان کی گرفتاری کیلئے خصوصی ٹیمیں بھی بنادی گئیں ہیں۔
