لوئر چترال میں ٹریفک پولیس ڈرائیونگ سکول کا افتتاح کردیا گیا۔
ذرائع کے مطابق ڈسٹرکٹ پولیس آفیسر لوئر چترال، افتخار شاہ نے عوامی خدمت مرکز زرگراندہ میں ٹریفک پولیس کے ڈرائیونگ سکول کا باقاعدہ افتتاح کیا۔ یہ سکول پہلی بار عوام کے لیے شروع کیا گیا ہے۔
افتتاحی تقریب میں ڈی ایس پی ہیڈکوارٹر تمیزالدین، ایس ڈی پی او سرکل بمبوریت حسن اللہ اور دیگر پولیس افسران بھی موجود تھے۔ ڈرائیونگ سکول کے قیام کا مقصد عوام میں ٹریفک قوانین کے حوالے سے آگاہی فراہم کرنا اور محفوظ ڈرائیونگ کو فروغ دینا ہے۔
