وفاقی وزیرداخلہ محسن نقوی نے دہشتگردوں کے بنوں چھاونی پر بزدلانہ حملے کی شدید الفاظ میں مذمت کی۔
وزیرداخلہ محسن نقوی کا دہشتگردوں کا حملہ ناکام بنانے پر سکیورٹی فورسز کو خراج تحسین پیش کیا۔ وزیر داخلہ محسن نقوی کا شہید ہونے والے سکیورٹی فورسز کے 8 جوانوں کو خراج عقیدت پیش کیا۔وزیر داخلہ محسن نقوی کا شہداء کے لواحقین سے دلی ہمدردی کا اظہار کیا۔ قوم کے بہادر جوانوں نے جان دے کر دہشتگردی کا بڑا منصوبہ خاک میں ملایا اور 10 دہشتگردوں کو جہنم واصل کیا۔ سکیورٹی فورسز کے بہادر سپوتوں نے دہشتگردی کی سازش کو ناکام بنایا۔ محسن نقوی کا کہنا تھا کہ دہشتگردوں کے مذموم عزائم خاک میں ملانے پر سکیورٹی فورسز کی جرات کو سلام پیش کرتے ہیں۔ شہدا پوری قوم کا فخر ہیں اور ہم سب شہداء کے خاندانوں کے ساتھ کھڑے ہیں ۔ انکا مزید کہنا تھا کہ دشمن پاکستان میں عدم استحکام پیدا کرنے کی گھناؤنی سازش کر رہا ہے۔ اتحاد و اتفاق کی قوت سے دہشتگردی کے ناسور کا خاتمہ کریں گے۔
