گلگت بلتستان کے ضلع دیامر میں مسافر بس گہری کھائی میں جا گری، حادثے میں 20 افرد جاں بحق ہو گئے۔ ذرائع کے مطابق ئی حادثہ شاہراہ قراقرم پر یشوخل داس کے مقام پر علی الصبح پیش آیا۔
ذرائع کے مطابق حادثےکا شکار ہونے والی مسافر بس راولپنڈی سے گلگت جارہی تھی، حادثے کی اطلاع ملنے پر مقامی افراد جائے حادثہ پر پہنچ گئے اور امدادی کارروائیاں شروع کر دیں جب کہ پولیس اور ریسکیو اہلکاروں نے بھی کچھ دیر بعد جائے حادثہ پر پہنچ کر ریسکیو آپریشن شروع کیا۔ حادثے کے بعد مقامی اسپتال میں ایمرجنسی نافذ کرکے شہریوں سے زخمیوں کےلیےخون کی اپیل کی گئی ہے ۔
وزیراعظم شہباز شریف اور وزیراعلیٰ گلگت بلتستان حاجی گلبرخان نے بس حادثے پر اظہار افسوس کرتے ہوئے انتظامیہ اور زخمیوں کی بروقت طبی امداد کرنے کی ہدایت کی ہے۔
