پاکستان اور نیوزی لینڈ کے درمیان ٹی ٹوئنٹی سیریز جمعرات 18 اپریل سے شروع ہو گی۔
محمد رضوان کے ساتھ کپتان خود بھی بیٹنگ کا آغاز کریں گے۔ ٹی ٹوئنٹی سیریز اظہر محمود کی گرین شرٹس کے ہیڈ کوچ کے طور پر پہلی اسائنمنٹ ہے۔عماد وسیم اور محمد عامر کی واپسی پر شائقین پرجوش ہیں، وہیں صائم ایوب اور فخر زمان بھی فوکس میں ہیں۔مائیکل بریسویل اس دورے میں نیوزی لینڈ کی قیادت کریں گے۔ ٹیم میں جمی نیشام، مارک چیپ مین، ٹام بلنڈل، ٹم سیفرٹ اور ایش سودھی جیسے قابل ذکر کھلاڑی شامل ہیں۔ دیگر کھلاڑیوں نے بھی نیوزی لینڈ کی ڈومیسٹک کرکٹ میں مسلسل کارکردگی کے ذریعے جگہیں حاصل کیں۔
ٹی ٹوئنٹی سیریز کے پہلے تین میچز راولپنڈی میں ہوں گے جب کہ لاہور کا قذافی اسٹیڈیم بعد میں 25 اور 27 اپریل کو بقیہ دو مقابلوں کی میزبانی کرے گا۔ پانچوں میچز پاکستانی وقت کے مطابق رات 8 بجے شروع ہوں گے۔
