انگلینڈ کرکٹ ٹیم کے کپتان بین اسٹوکس کے گھر چوری کا واقعہ پیش آیا ہے، چور کئی قیمتی اشیا اپنے ساتھ لے اڑے۔
سوشل میڈیا پر اپنا بیان جاری کرتے ہوئے ان کا بتانا تھا کہ چوری اس وقت کی گئی جب انکی بیوی اور 2 چھوٹے بچے گھر میں تھے، تاہم ان کے خاندان میں سے کسی کو بھی نقصان نہیں پہنچا۔
بین اسٹوکس نے مزید بتایا کہ یہ واقعہ 17 اکتوبر کی شام کو پیش آیا،اگلے دن، انگلینڈ کو پاکستان کے ہاتھوں دوسرے ٹیسٹ میں شکست ہوئی، جہاں اسٹوکس 37 رنز بنا کر آؤٹ ہوئے۔
وہ گزشتہ ہفتے ہی دورہ پاکستان کے بعد برطانیہ واپس لوٹے ہیں،بین سٹوکس نے کچھ چوری شدہ اشیاء کی تصاویر بھی جاری کیں،جس میں تمغے کے ساتھ ساتھ،تین ہار، ایک انگوٹھی اور ایک ڈیزائنر بیگ شامل ہے۔
