مانسہرہ میں آٹھ روز گزرنے کے باوجود بھی شاہراہ کاغان مہانڈری کے مقام سے ٹریفک کیلئے بحال نہ ہو سکی۔
ذرائع کے مطابق شاہراہ کاغان کی بندش سے سیاحوں اور مقامی افراد کو شدید مشکلات کا سامنا کرنا پڑرہا ہے۔لوگ انتہائی دشوار گزار راستوں سے گزر کر میلوں کا سفر طے کرنے پر مجبور ہیں۔این ایچ اے کے مطابق مہانڈری منور نالے پر اسٹیل برج تنصیب کا کام جاری ہے،جبکہ پل کو نصب کرنے کے لیے مزید پانچ سے چھ دن لگ سکتے ہیں۔اس کے ساتھ ہی دریائے کنہار کے پانی سے بننے والی جھیل کا پانی مسلسل بڑھنے لگا ہےجس کی وجہ سے شاہراہ کاغان اور مقامی ہوٹلز اور بازار کو شدید خطرہ لاحق ہے۔
