پسند کی شادی کرنے پر ہنگو سے تعلق رکھنے والے جوڑے کو اسلام آباد میں قتل کردیا گیا۔
اسلام آباد میں ہنگو سے تعلق رکھنے والے جوڑے کو تیز دھار آلے کی مدد سے قتل کر دیا گیا۔ذرائع کے مطابق جوڑے نے پسند کی شادی کررکھی تھی۔پولیس ذرائع کے مطابق اسلام آباد کے گاؤں پنڈ پڑیاں میں ہنگو سے تعلق رکھنے والے لڑکے اور لڑکی کو قتل کیا گیا۔
ذرائع کا بتانا ہے کہ دونوں نے پسند کی شادی کی تھی اور انہوں نے جان بچانے کے لیے ایک گھر میں پناہ لی ہوئی تھی۔پولیس ذرائع کے مطابق ملزمان لڑکے کا تعاقب کرتے ہوئے گھر میں داخل ہوئے اور لڑکا اور لڑکی کو تیز دھار آلے سے قتل کر دیا۔ قتل کے بعد ملزمان فرار ہوگئے۔جبکہ پولیس نے تفیش شروع کرکے ملزمان کی تلاش جاری کردی ہے۔
