پاکستان کے سابق لیگ اسپنر مشتاق احمد کو ایک بار پھر بنگلادیش نے اپنا اسپن بولنگ کوچ مقرر کر لیا۔
ذرائع کے مطابق سابق قومی لیگ اسپنر مشتاق احمد نے ڈھاکا میں بنگلادیش کرکٹ ٹیم کو جوائن کیا ہے، وہ جنوبی افریقہ کے خلاف ٹیسٹ سیریز میں بنگلادیش کے اسپن بولنگ کوچ کی ذمے داری نبھائیں گے۔
بنگلادیش کرکٹ آپریشنز مینیجر کا اس حوالے سے کہنا تھا کہ مشتاق احمد جب بھی دستیاب ہوں گے سیریز بائی سیریز بنگلادیش کرکٹ ٹیم کے ساتھ کام کریں گے۔
رواں برس اگست کے دوران بنگلادیش ٹیم کے دورہ پاکستان میں بھی مشتاق احمد نے اسپن بولنگ کوچ ذمے داریاں نبھائی تھیں۔
یاد رہے کہ جنوبی افریقہ اور بنگلادیش کے درمیان پہلا ٹیسٹ میچ 21 اکتوبر سے شروع ہوگا۔
