پاکستانی ایتھلیٹ ارشد ندیم اولمپکس میں طلائی تمغہ جیتنے والے پہلے انفرادی کھلاڑی بن گئے ہیں۔جاری کردہ شیڈول کے مطابق گولڈ میڈلسٹ ارشد ندیم استنبول کے راستے اتوار کی صبح ایک بجے لاہور پہنچیں گے۔ ان کے ہمراہ ساؤتھ ایشین ایتھلیٹکس کے چیئرمین محمد اکرم ساہی بھی ہوں گے۔
وطن واپسی پر چیمپئن کے شاندار استقبال کا منصوبہ بنایا گیا ہے جس میں ان کے کوچ سلمان بٹ بھی ان کے ہمراہ ہوں گے۔ایتھلیٹکس فیڈریشن آف پاکستان اور سپورٹس بورڈ پنجاب قومی ہیرو کے شاندار استقبال کے لیے انتظامات میں مصروف ہیں۔پاکستان کے جیولن کھلاڑی ارشد ندیم نے جمعہ کو پیرس اولمپکس 2024 میں پریزنٹیشن تقریب کے دوران اپنا گولڈ میڈل حاصل کیا۔تقریب فرانسیسی دارالحکومت میں ایفل ٹاور کے قریب چیمپئنز پارک میں منعقد ہوئی۔یہ بات قابل ذکر ہے کہ ارشد ندیم پاکستان کے لیے اولمپکس میں انفرادی طور پر طلائی تمغہ جیتنے والے پہلے کھلاڑی بن گئے ہیں۔
