معروف پاکستانی یوٹیوبر ڈاکٹر عمر عادل کو خواتین کے خلاف نازیبا زبان استعمال کرنے کے الزام میں گرفتار کر لیا گیا۔
ذرائع کے مطابق گزشتہ روز ایف آئی اے کے سائبر کرائم ونگ نے یوٹیوبر ڈاکٹر عمر عادل کو خواتین کے حوالے سے نازیبا الفاظ استعمال کرنے کے ایک اور مقدمے میں گرفتار کیا تھا۔
آج ضلع کچہری میں اس مقدمے پر سماعت کرتے ہوئے جوڈیشل مجسٹریٹ نے معروف یوٹیوبر کو جوڈیشل ریمانڈ پر جیل بھیج دیا۔
ساتھ ہی عدالت نے ایف آئی اے کی جانب سے ڈاکٹر عمر عادل کو جسمانی ریمانڈ دینے کی استدعا کو مسترد کر دیا۔
ڈاکٹر عمر عادل کی جانب سے ان کے وکیل ایڈوکیٹ سلمان اسلم عدالت میں پیش ہوئے۔
یادرہے کہ مسلم لیگ ن کی ترجمان عظمی بخاری نے ڈاکٹر عمر عادل کے خلاف سائبر کرائم میں مقدمہ درج کروایا تھا۔
