امریکا نے وزیر اعظم شہباز شریف کو عہدہ سنبھالنے پر نریندر مودی کے مبارکبادی پیغام کا خیر مقدم کیا گیا۔
وائٹ ہاؤس میں میڈیا سے گفتگو کرتے ہوئے امریکی محکمہ خارجہ کے ترجمان میتھیوملر نے کہا ہے کہ پاکستان اور بھارت کے درمیان پر امن بات چیت کا خیر مقدم کریں گے۔ بات چیت کی رفتار کا تعین پاکستان اور بھارت نے کرنا ہے۔دونوں ہمسایہ ممالک کے درمیان پرامن، تعمیری تعلقات دیکھنا چاہتے ہیں۔ ترجمان امریکی محکمہ خارجہ میتھیو ملر نے مزید کہا ہے کہ پاکستان اور بھارت کے ساتھ اپنے تعلقات کی قدر کرتے ہیں۔امریکا بھارتی وزیر اعظم کی محمد شہباز شریف کو مبارک باد کا بھی خیر مقدم کرتا ہے۔
