مقبوضہ کشمیر میں ریاستی دہشت گردی تھم نہ سکی، بھارتی فوج نے مزید 2 کشمیریوں کو شہید کر دیا۔
کشمیری میڈیا کے مطابق بھارتی فوج نے مقبوضہ کشمیر کے ضلع بارہ مولا میں سرچ آپریشن کی آڑ میں داخلی اور خارجی راستوں کو بند کرکے گھر گھر تلاشی لی۔
بھارتی فوج نے چادر و چار دیواری کے تقدس کو پامال کیا۔ خواتین کے ساتھ بدتمیزی کی اور بزرگوں کو بھی تشدد کا نشانہ بنایا۔ اس دوران علاقے میں انٹرنیٹ سروس بھی بند رہیں۔
انڈین فوج نے علاقے میں ایمبولینس کو بھی جانے کی اجازت نہیں دی۔ بھارتی فوج نے ایک گھر پر اندھا دھند فائرنگ کردی جس کے نتیجے میں 2 کشمیری نوجوان شہید ہوگئے۔
