آزاد جموں کشمیر کے وزیراعظم چوہدری انوار الحق نے اقوام متحدہ پر زور دیا ہے کہ وہ خطے میں مستقل امن کے لیے دیرینہ مسئلہ کشمیر کے حل کے لیے اقدامات کرے۔
ایک بیان میں انہوں نے کہا کہ عالمی فورم کو کشمیر پر اپنی قراردادوں پر عمل درآمد میں مدد کے لیے ٹھوس اقدامات کرنے چاہئیں تاکہ کشمیری عوام اپنے سیاسی مستقبل کا صحیح طریقے سے فیصلہ کر سکیں۔ بھارتی وزیراعظم نریندر مودی کے حالیہ مقبوضہ جموں و کشمیر کے دورے پر ردعمل ظاہر کرتے ہوئے آزاد جموں و کشمیر کے وزیراعظم نے کہا کہ بھارت بے بنیاد بیانیے سے عالمی برادری کو گمراہ نہیں کر سکتا۔
