اسرائیلی فوج کئی ہفتوں تک محاصرہ کرنے کے بعد غزہ کے شہر خان یونس کے نصرہسپتال میں گھس گئی۔
غیر ملکی خبررساں ادارے کے مطابق اسرائیلی فوج نے نصر اسپتال سے متعدد فلسطینیوں کو گرفتار کرلیا ہے اور اسپتال میں پناہ لیے ہوئے فلسطینیوں یہاں تک کے اسپتال کے انتہائی نگہداشت وارڈ یعنی آئی سی یو میں داخل مریضوں کو بھی اسپتال چھوڑنے کا حکم دے دیا ہے۔
دوسری جانب اقوام متحدہ کے دفتر رابطہ برائے انسانی امور نے نصراسپتال پر اسرائیلی حملے پر تشویش کا اظہار کیا ہے۔ اسرائیلی فوج بھاری ٹینک اور مشین گنز کے ذریعے فائرنگ کر رہی ہے اور نصر اسپتال کی حالیہ صورتحال تباہ کن ہے۔ادھر امریکی صدر جو بائیڈن نے بھی اسرائیلی وزیراعظم نیتن یاہو کو کال کی ہے۔امریکی صدر نے فلسطینیوں کی حفاظت کو یقینی بنائے بغیر اسرائیل کو آپریشن نہ کرنے کی تجویز دی ہے۔
