ٹیکسلا میں ایک اور حوا کی بیٹی غیرت کے نام پر قتل کر دی گئی۔ خاتون کو شوہر نے بیلچہ مار کر قتل کر دیا اور لاش کھیت میں دفنادی۔ ملزم کے گھرکے قریب سے لاش اور آلہ قتل برآمد کرلیا گیا، پولیس نے ملزم کیخلاف مقتولہ خاتون کے والد محمد اعظم کی مدعیت میں مقدمہ درج کرلیا ہے۔
دوسری جانب راولپنڈی کے علاقے ٹاہلی موہری میں پسند کی شادی کرنے والا نوجوان مبینہ طور پر بیوی کے ہاتھوں قتل ہوگیا۔ مقتول حق نواز کے بھائی فیاض کی مدعیت میں مقدمہ درج کرلیا گیا۔
مقدمے میں مؤقف اپنایا گیا کہ بھائی نے 2سال قبل پسند کی شادی کی تھی اور ان کی 6 ماہ کی بچی بھی ہے اور بھائی سے ہمارا کوئی رابطہ نہیں تھا۔ مدعی نے کہا کہ آج بھائی کے کرنٹ سے انتقال کرنے کی اطلاع موصول ہوئی اور ہمیں شک ہے کہ بھائی کرنٹ لگنے سے جاں بحق نہیں ہوا ہے بلکہ اسے زہر دے کر قتل کردیا گیا ہے۔
