حکومت نے پیٹرولیم مصنوعات کی قیمتوں میں کمی کا اعلان کردیا،جس کے مطابق پٹرولیم مصنوعات کے نرخ میں فی لٹر 5 روپے تک کمی گئی ہے ۔
اسلام آباد: وزارت خزانہ کی جانب سے جاری نوٹفکیشن کے مطابق پیٹرول کی فی لیٹر قیمت میں 50 پیسے کمی کا اعلان کیا گیا ہے، جس کے بعد پیٹرول کی نئی فی لیٹر قیمت 255 روپے 63 پیسے ہوگئی ۔
ہائی سپیڈ ڈیزل کی قیمت میں 5 روپے 31 پیسے فی لیٹر کمی کا اعلان کیا گیا ہے، ہائی اسپیڈ ڈیزل کی نئی قمیت 258 روپے 64 پیسے فی لیٹر ہوگی ۔
مٹی کے تیل کی قیمت میں 3 روپے 53 پیسے فی لیٹر کمی کا اعلان کیا گیا ہے، مٹی کے تیل کی نئی قیمت 168 روپے 12 پیسے فی لیٹر ہوگی ۔
نوٹیفکیشن کے مطابق لائٹ ڈیزل کی قیمت میں 2 روپے 47 پیسےفی لیٹر کمی کا اعلان کیا گیا ہے، لائٹ ڈیزل آئل کی نئی قیمت 153 روپے 34 پیسےفی لیٹر ہوگی ۔
پٹرولیم مصنوعات کی نئی قیمتوں کا اطلاق آج سے ہو چکا ہے جو آئندہ 15 روز کیلئے نافذالعمل رہے گا ۔
