ہری پور میں پولیس کی حراست میں ملزم پراسرار طورپر جاں بحق ہو گیا ۔ ڈی ایس پی سرکل خانپور کے مطابق واقعہ تھانہ خانپور میں پیش آیا جہاں پولیس کی حراست میں موجود ملزم ساجد شاہ سکنہ محلہ پیرانوالہ نے گل میں آزار بند ڈال کر خودکشی کرلی ۔
گزشتہ رات تقریباً ساڑھے گیارہ بجے تھانہ خانپور حوالات میں مبینہ منشیات کیس میں ملوث ملزم ساجد شاہ سکنہ محلہ پیراں والا خانپور نے اپنی بنیان گلے میں ڈالی اور گردن کے پیچھے باندھی اِدھر اُدھر دیکھا مگر مناسب جگہ نہ ملنے پر واش روم کا رخ کیا اور لٹک کر اپنی جان گنوا دی ۔حوالات میں ٹوٹل تین ملزمان بند تھے ۔پہرے پر معمور اہلکار نے راونڈ پر جب ایک ملزم کم دیکھا۔ شک گزرنے پر دروازہ کھولا تو ملزم ساجد واش روم میں موت کو گلے لگا چکا تھا۔
علاقے میں اس خبر سے ابہام پھیلتا دیکھ کر مقامی صحافیوں پر مشتمل ٹیم نے جنمیں سید جمال شاہ، سید ہادی شاہ سینیئر صحافی ٹیکسلا ، علی زیب اور ملک الیاس ثانی تھانے پہنچے اور پولیس سے بریفنگ لی، اور CCTV ویڈیو دیکھی۔جس میں واضع نظر آ رہا ہے کہ ملزم اپنی بنیان اتار کر گلے میں ڈال کر باندھ رہا ہے اور پھر واش روم میں جا رہا ہے۔کچھ دیر بعد ملزم کا بازو باہر کی جانب جھول جاتا ہے۔جس سے یہ واضع ہو گیا کہ ملزم نے از خود نامعلوم وجوہات کی بنا پر خود کشی کی ہے۔
ذرائع کے مطابق DPO ہریپور نے واقع کی جوڈیشیل انکوائری کا حکم دے دیا ہے۔تاکہ اصل حقائق منظر عام پر لائے جا سکیں۔
