لکی مروت اور بنوں میں نامعلوم مسلح افراد کی فائرنگ سے 4 پولیس اہلکار شہید ہوگئے، پولیس کے مطابق لکی مروت میں ٹریفک انچارج سرائے نورنگ سمیت 3 اہلکار جبکہ بنو کے منڈان علاقے میں ایک پولیس اہلکار دہشتگردوں کی فائرنگ کا نشانہپ بنے ۔
پولیس کے ترجمان کے مطابق لکی مروتکے علاقے سرائے نورنگ میں نامعلوم موٹر سائیکل سوار دہشتگردوں نے فائرنگ کی جس سے ڈیوٹی پر مامور 3 ٹریفک پولیس اہلکار شہید ہوگئے ۔
پولیس ترجمان نے بتایا کہ فائرنگ کے واقعے میں انچارج ٹریفک پولیس نورنگ جلال خان، کانسٹیبل عزیز اللہ اور کانسٹیبل عبداللہ شہید ہوئے ۔
ترجمان کے مطابق نامعلوم موٹرسائیکل سوار دہشتگرد فائرنگ کے بعد فرار ہوگئے، شہید پولیس اہلکاروں کی لاشیں تحصیل ہیڈ کوارٹر ہسپتال سرائے نورنگ منتقل کردی گئی ہے ۔
دوسری جانب بنوں پولیس نے بتایا کہ منڈان میں نامعلوم افراد کی فائرنگ سے پولیس اہلکار شہید ہوگیا ۔
پولیئس نے مزید بتایا کہ کانسٹیبل رشید خان گھر سے ڈیوٹی پر تھانا منڈان جا رہا تھا کہ مسلح افراد کی فائرنگ سے شہید ہوگیا ۔
