راولپنڈی کی تحصیل ٹیکسلا میں مسافر وین پر ڈمپر الٹنے کے نتیجے میں 4 افراد جاں بحق جبکہ دو شدید زخمی ہوگئے۔
ریسکیو حکام کے مطابق واقعہ بیریر نمبر 2 واہ کینٹ میں پیش آیا، حادثے کے فورا بعد ریسکیو ٹیمین جائے وقوعہ پر پہنچیں اور گاڑی میں پھنسے افراد کو باہر نکال کر اسپتال منتقل کیا گیا۔
ریسکیو ترجمان کا کہنا ہے کہ حادثے میں 2 شدید زخمی افراد کو اسپتال منتقل کر دیا گیا جبکہ جاں بحق ہونے والوں میں تین مرد اور ایک خاتون شامل ہے۔
متاثرہ مسافر گاڑی میں کل 6 افراد سوار تھے جن میں سے 4 افراد جان کی بازی ہار گئے۔
ٹیکسلا پولیس نے واقع کا مقدمہ درج کر کے تفتیش کا آغاز کر دیا ہے جبکہ ڈمپر کا ڈرائیور موقع سے فرار ہوگیا۔
