نیشنل ڈیزاسٹر مینجمنٹ اتھارٹی (این ڈی ایم اے) نے تربیلا ڈیم کے سپِل ویز کھولنے کا فیصلہ کیا ہے، سپِل ویز کھلنے سے ڈیم میں پانی کا بہاؤ 2لاکھ 50 ہزارکیوسک تک متوقع ہے ۔
ہری پور: این ڈی ایم اے کے مطابق آج دن ساڑھے 12 بجے تربیلا ڈیم کے سپِل ویز کھولنے کا فیصلہ کیا گیا ہے، ڈیم کے سپِل ویز کھلنے سے پانی کا بہاؤ 2لاکھ 50 ہزارکیوسک تک متوقع ہے ۔
این ڈی ایم اے نے ہدایت دی ہے کہ دریائے سندھ کے ملحقہ علاقوں کےمکین آبی گزرگاہوں کےقریب جانے سے گریز کریں جب کہ اس حوالے سے تمام متعلقہ اداروں کو پیشگی آگاہ کردیا گیا ہے ۔
این ڈی ایم اے کا مزید کہنا تھا کہ نشیبی علاقوں کے مکین محتاط رہیں اور مقامی انتظامیہ کے ساتھ تعاون کریں ۔
