آئی سی سی مینز ٹی ٹوئنٹی ورلڈکپ کے سپر 8 مرحلے کا ابتدائی میچ بارش کی نذر ہو گیا، پاکستان اور نیوزی لینڈ کا اہم میچ بارش کے باعث منسوخ کر دیا گیا اور دونوں ٹیموں کو ایک، ایک پوائنٹ دیدیا گیا ۔
کولمبو میں پاکستان کے کپتان سلمان علی آغا نےٹاس جیت کر پہلے خود بیٹنگ کرنے کا فیصلہ کیا، لیکن مسلسل بارش کے باعث میچ شروع نہ ہو سکا ۔
مسلسل بارش کے باعث میچ تاخیر کا شکار ہوا اور ایک بھی گیند پھینکی نہ جاسکی، جس کے بعد امپائرز نے میچ منسوخ کرنے کا اعلان کیا ۔
بارش کے باعث میچ منسوخ ہونے سے دونوں ٹیموں کو ایک ایک پوائنٹ دے دیا گیا، سپر ایٹ مرحلے میں پاکستان کا دوسرا میچ 24 فروری کو انگلینڈ کے خلاف کھیلا جائے گا ۔
