مختلف علاقوں کی طرح پشاور میں زلزلے کے شدید جھٹکوں کے باعث خیبرپختونخوا اسمبلی میں بھگدڑ مچ گئی جہاں بجٹ سیشن جاری تھا، زلزلے کے شدید جھٹکے اسلام آباد اور راولپنڈی سمیت ملک کے دیگر کئی علاقوں اور افغانستان میں بھی محسوس کیے گئے۔
پشاور: خیبرپختونخوا میں اسمبلی میں بجٹ سیشن کے دوران زلزلہ آیا اور اراکین اسمبلی اپنی نشستوں سے اٹھ کھڑے ہوئے، ڈپٹی اسپیکر بابرسلیم سواتی نے اجلاس 5 منٹ کے لیے مؤخر کر دیا ۔
زلزلہ پیما مرکز کے مطابق زلزلے کا مرکز ہندوکش ریجن افغانستان تھا، ریکٹر سکیل پر زلزلے کی شدت 5.9 اور گہرائی 178 کلومیٹر ریکارڈ کی گئی، زلزلے کے شدید جھٹکے اسلام آباد او راولپنڈی میں بھی زلزلے کے جھٹکے محسوس کیے گئے اور لوگ دفاتر گھروں سے کلمہ طیبہ ورد کرتے باہر نکل آئے ۔
مانسہرہ، راولپنڈی، شانگلہ، سوات اور چکوال کے علاقوں میں زلزلے کے جھٹکے محسوس کیے گئے، پشاور، باجوڑ، چارسدہ، دیرلوئر، صوابی، تخت بھائی، پبی کوہاٹ اور سوات کے مختلف علاقوں میں زلزلے کے شدید جھٹکے محسوس کیے گئے ۔
پی ڈی ایم اے پنجاب کے مطابق لاہور، فیصل آباد، راولپنڈی، اٹک، چکوال، میانوالی، ملتان، پوٹھوہار ریجن اور پنجاب کے دیگر اضلاع میں زلزلے کے جھٹکے محسوس کیے گئے ۔
دریں اثنا زلزلے کے شدیدی جھٹکے افغانستان کے مختلف علاقوں میں بھی محسوس کئے گئے، جہاں زلزلے کی شدت 6 ریکارڈ کی گئی ۔
