اسلام آباد: نائب وزیراعظم اسحاق ڈار کی صدارت میں سوئی سدرن گیس کمپنی لمیٹڈ (ایس ایس جی سی ایل) کے گیس ضیاع پر اعلیٰ سطح اجلاس ہوا۔
اجلاس میں ایس ایس جی سی ایل کے بڑھتے ہوئے گیس ضیاع اور اس کے مالیاتی اثرات کا جائزہ لیا گیا۔
گیس کی غیر قانونی چوری روکنے اور پائپ لائن نیٹ ورک کی بہتری کے لیے اقدامات پر غور کیا گیا۔
اسحاق ڈار نے کہا کہ بلوچستان میں توانائی کی سیکیورٹی اور گیس کی بلا تعطل فراہمی یقینی بنائی جائے۔
نائب وزیراعظم نے ایس ایس جی سی ایل کے گیس ضیاع کو کم کرنے کے لیے ہدف پر مبنی جامع حکمت عملی تیار کرنے کی ہدایت کی۔
انہوں نے غیر قانونی کنکشنز کے خلاف سخت اور یکساں پالیسی کے تحت کارروائی کی بھی ہدایت کی۔
اسحاق ڈار نے کہا کہ عوامی وسائل کی حفاظت اور صارفین کو گیس کی باقاعدہ فراہمی ترجیح ہے۔
