آئی سی سی ورلڈ ٹیسٹ چیمپئن شپ کا فائنل لارڈز کے تاریخی میدان میں آسٹریلیا اور جنوبی افریقہ کے درمیان جاری ہے ،تیسرے دن کے کھیل کے خاتمے تک 282 رنز ہدف کے تعاقب میں 2 وکٹوں پر 213 رنز بنانے کے بعد جنوبی افریقہ کو ٹرافی جیتنے کیلئے مزید 69 رنز درکار ہیں اور 8 وکٹیں باقی ہیں ۔
جنوبی افریقہ پہلی اننگز کے مقابلے میں دوسری اننگز میں یکسر مختلف ٹیم دکھائی دے رہی ہے اور اس نے محض دو وکٹوں کے نقصان پر 213 رنز بنالیے ہیں ۔
جنوبی افریقہ کے بیٹر ایڈم مارکرم نے شاندار سینچری سکور کی اور 102 رنز بناکر وکٹ پر موجود ہیں، جبکہ کپتان ٹمبا بوؤما نےبھی نصف سینچری بنائی اور 65 رنز پر ناقابل شکست ہیں ۔
آسٹریلیا کی پہلی اننگز میں 212 رنز کے جواب میں جنوبی افریقہ بیٹرز ریت کی دیوار ثابت ہوئے تھے اور صرف 138 رنز کر آل آؤٹ ہوگئے تھے ۔
جنوبی افریقہ کے پاس ورلڈ ٹیسٹ چیمپیئن شپ کی ٹرافی جیتنے کا نادر موقع ہے ،اگر افریقی ٹیم ٹرافی جیتنے میں کامیاب ہوتی ہے تو یہ ان کی پہلی بڑی ٹرافی ہوگی ۔
