ڈپٹی کمشنر لوئر چترال محسن اقبال کی ہدایات پر این ایچ اے کی مشینری لواری ٹنل ایپروچ روڈ پر برف ہٹانے کے کام میں مصروف عمل ہے۔ خراب موسم کے باوجود حکام نے اہم رابطہ سڑکیں بحال کر دی ہیں تاکہ عوام کو سفری سہولیات فراہم کی جا سکیں۔
ضلعی انتظامیہ نے شہریوں کو خراب موسم میں غیر ضروری سفر سے اجتناب کرنے کی تاکید کی ہے۔ اس کے ساتھ ساتھ، سفر کرنے والوں کے لیے سنو چین کا استعمال یقینی بنانے کی ہدایت جاری کی گئی ہے تاکہ کسی بھی ممکنہ حادثے سے بچا جا سکے۔ عوام سے اپیل کی گئی ہے کہ وہ احتیاطی تدابیر پر عمل کریں اور متعلقہ حکام سے تعاون کریں۔
