گورنر گلگت بلستان سید مہدی شاہ نے سکردو میں 2 روزہ بزنس ایکسپو کا باقاعدہ افتتاح کر دیا۔
اس موقع پر ان کے ہمراہ کمشنر بلتستان ڈویژن نجیب عالم، صوبائی وزیر راجہ ناصر علی خان مقپون اور دیگر اہم شخصیات بھی موجود تھیں۔ بزنس ایکسپو میں زراعت سے وابستہ افراد اور مختلف تنظیموں کی جانب سے مختلف پھلوں، سبزیوں، اور دیگر زرعی اشیا کے اسٹالز لگائے گئے تھے۔ گورنر سید مہدی شاہ نے ایکسپو کے مختلف اسٹالز کا دورہ کیا اور وہاں موجود کسانوں اور تنظیموں کے نمائندوں سے زرعی شعبے کی موجودہ صورتحال اور مستقبل کی منصوبہ بندی کے بارے میں بریفنگ لی۔
اس موقع پر مہدی شاہ کا کہنا تھا کہ اس طرح کی تقاریب سے زرعی میدان میں ترقی کی نئی راہیں ہموار ہوں گی اور علاقے کی معیشت میں بہتری آئے گی۔
