حکومت سندھ نے صوبے کے مختلف شہروں میں موٹر سائیکل کی ڈبل سواری پر پابندی عائد کردی۔یہ پابندی 12 ربیع الاول تک جاری رہے گی ـ
تفصیلات کے مطابق آئی جی سندھ کی درخواست پر محکمہ داخلہ سندھ نے حکم نامہ جاری کردیا، جس کے مطابق کراچی جنوبی میں 13، 14 16 اور17 ستمبر، کراچی شرقی میں 13، 16 اور 17 ستمبر اور کراچی غربی میں 16 اور 17 ستمبر کو ڈبل سواری پر پابندی رہے گی۔
حکم نامے کے مطابق حیدرآباد میں 12 ربیع الاول تک موٹر سائیکل ڈبل سواری پر پابندی رہے گی، دادو اور سکھر میں 16 اور 17 ستمبر تک موٹر سائیکل کی ڈبل سواری پر پابندی ہوگی ـ
اس کے علاوہ خیرپور اور گھوٹکی میں 13 سے 17 ستمبر جبکہ لاڑکانہ ڈویژن میں 17 ستمبر کو موٹرسائیکل کی ڈبل سواری پر پابندی ہوگی۔
