اسلام آباد: آئی ٹی برآمدکنندگان کیلئے نئی سہولتوں کی فراہمی اور ڈیجیٹل معیشت کے فروغ کے سلسلے میں اہم پیش رفت سامنے آئی ہے۔
ایس آئی ایف سی کے قیام کے بعد آئی ٹی برآمدات اور فری لانسنگ کے فروغ کیلئے پالیسی اور مالیاتی اصلاحات پر خصوصی توجہ دی گئی۔
گزشتہ تین برسوں کے دوران ایس آئی ایف سی کی معاونت سے آئی ٹی اور فری لانسنگ سیکٹر کیلئے کاروبار دوست ماحول اور ریگولیٹری سہولتوں کو فروغ ملا۔
ایس آئی ایف سی کی معاونت سے ایکسپورٹرز اسپیشلائزڈ فارن کرنسی اکاؤنٹس میں رقوم برقرار رکھنے کی حد 35 فیصد سے بڑھا کر 50 فیصد کر دی گئی۔
اس اقدام سے آئی ٹی ایکسپورٹرز کو اپنی فارن کرنسی آمدن کے استعمال میں مزید خودمختاری حاصل ہوئی۔
فارن کرنسی اکاؤنٹس پر ریگولیٹری پابندیوں میں نرمی اور خصوصی ڈیبٹ کارڈز کے اجرا سے عالمی ادائیگیوں کے عمل کو بھی آسان بنایا گیا۔
فری لانسرز کیلئے نیا بینکاری فریم ورک متعارف کرایا گیا، جس کے تحت بینکاری سہولتوں اور اکاؤنٹ کھلوانے کے عمل کو مزید آسان بنایا گیا ہے۔
ایس آئی ایف سی کی معاونت سے کیے گئے ان اقدامات نے آئی ٹی برآمدات میں اضافے اور زیادہ زرمبادلہ ملک میں لانے کی راہ ہموار کی ہے۔
مالی سال 2025-26 کے پہلے 10 ماہ کے دوران پاکستانی فری لانسرز کی برآمدی آمدن 95 کروڑ 90 لاکھ ڈالر تک پہنچ چکی ہے۔
