گلگت بلتستان اسمبلی کے انتخابات کے لیے جاری انتخابی مہم کا وقت ختم ہوگیا، رات 12 بجے کے بعد انتخابی مہم چلانے پر پابندی ہوگی ۔
گلگت بلتستان اسمبلی کی 24 نشستوں پر مجموعی طور پر 403 امیدوار حصہ لے رہے ہیں، جس پر ووٹنگ کل 7 جون کو ہوگی ۔
گلگت بلتستان اسمبلی کے لیے انتخابات کے موقع پر سکیورٹی کے سخت انتظامات کیے گئے ہیں۔ مقامی پولیس اور جی بی اسکاوٹس کے اہلکار تعینات ہوں گے ۔
پیپلز پارٹی 23 امیدوار، ن لیگ 22 ، استحکامِ پاکستان پارٹی 15، پاکستان مسلم لیگ 11،جے یو آئی ف کے 9 امیدوارمیدان میں ہیں ۔
اس کے علاوہ ایم ڈبلیو ایم 7،جماعت اسلامی اور ایم کیو ایم کے 6،6 امیدوار انتخابی دوڑ میں شامل ہیں جبکہ 266 آزاد امیدوار بھی الیکشن لڑ رہے ہیں ۔
گلگت بلتستان انتخابات میں مجموعی طور پر 9 لاکھ 58 ہزار 480 ووٹر حق رائے دہی استعمال کریں گے، مجموعی طور پر 396 مرد امیدوار جبکہ 8 خواتین امیدوار انتخابی میدان میں اتری ہیں ۔
