اسلام آباد: وزیراعظم محمد شہباز شریف نے چین کے اعلیٰ سطحی وفد سے ملاقات کی۔
اس وفد کی قیادت نائب چیئرمین تسائی دافنگ کر رہے تھے۔
ملاقات میں دو طرفہ تعلقات، سی پیک منصوبے اور علاقائی امن و استحکام پر تبادلہ خیال کیا گیا۔
ملاقات میں دونوں رہنماؤں نے تاریخی دوستی اور مستقبل میں تعاون کے عزم کو مزید مستحکم کرنے پر زور دیا۔
وفد کی قیادت قومی نیشنل پیپلز کانگریس (این پی سی) کی اسٹینڈنگ کمیٹی کے نائب چیئرمین تسائی دافنگ کر رہے تھے۔
یہ وفد پاکستان اور چین کے درمیان سفارتی تعلقات کے قیام کی 75ویں سالگرہ کی تقریبات میں شرکت کے لیے پاکستان کے دورے پر ہے۔
شہباز شریف نے معزز چینی مہمان کو پاکستان آمد پر خوش آمدید کہا۔
وزیراعظم نے پاکستان اور چین کے درمیان تاریخی اور سٹریٹجک تعاون پر مبنی شراکت داری کو سراہا۔
وزیراعظم نے صدر شی جن پنگ، وزیراعظم لی چیانگ اور چینی عوام کو سفارتی تعلقات کی 75ویں سالگرہ کے موقع پر دلی مبارکباد پیش کی۔
وزیراعظم نے چین کے بنیادی قومی مفادات کے لیے پاکستان کی مکمل حمایت کا اعادہ کیا۔
انہوں نے پاکستان کی خودمختاری اور علاقائی سالمیت کے لیے چین کی مسلسل حمایت کو سراہا۔
وزیراعظم نے چین پاکستان اقتصادی راہداری (سی پیک) کو پاکستان کی سماجی و اقتصادی ترقی کے لیے ایک گیم چینجر قرار دیا۔
شہباز شریف تے سی پیک کے اگلے مرحلے کی کامیابی کے لیے پاکستان کے پختہ عزم کا اعادہ کیا۔
اگلے مرحلے میں زراعت، آئی ٹی، صنعت اور معدنیات کے شعبوں پر خصوصی توجہ مرکوز کی گئی ہے۔
نائب چیئرمین تسائی دافنگ نے وزیراعظم کا پرتپاک استقبال اور میزبانی پر شکریہ ادا کیا۔
تسائی دافنگ نے دونوں ممالک کے سفارتی تعلقات کی 75ویں سالگرہ پر مبارکباد کا تبادلہ کیا۔
انہوں نے کہا کہ چینی قیادت پاکستان چین تعلقات کو مزید مضبوط بنانے کے لیے پُرعزم ہے۔
