ملک بھر میں ماہ رمضان اختتام پزیر ہو گیا، شوال المکرم 1447 ہجری کا چاند نظر آگیا، ملک میں عید الفطر کل بروز ہفتہ منائی جائے گی ۔
اسلام آباد: لاہور سمیت مختلف علاقوں میں شوال کا چاند نظر آگیا ،کل ہفتے کو ملک بھر میں عہدالفطر قومی و دینی جوش و جذبے اور عقیدت کیساتھ منائی جائی گی ۔
گزشتہ روز اسلام آباد میں مرکزی رویت ہلال کمیٹی کا اجلاس ہوا تھا جس کے بعد کمیٹی کے چیئرمین مولانا عبدالخبیر آزاد نے اعلان کیا کہ شوال کے چاند کی شہادتیں کہیں سے بھی موصول نہیں ہوئیں ۔
انہوں نے کہا تھا کہ ملک میں کہیں بھی ماہ شوال کا چاند نظر آنے کی مصدقہ اطلاع موصول نہیں ہوئی ۔
رویت ہلال کمیٹی کے چیئرمین مولانا عبدالخبیر آزاد نے اعلان کیا کہ رمضان 1447 ہجری کے مکمل 30 روزے ہوں گے اور عید الفطر 2026 ہفتہ 21 مارچ کو منائی جائےگی ۔
پشاور کی تاریخی قاسم علی مسجد کے علما کرام نے بھی مرکزی رویت ہلال کمیٹی کے مطابق ہفتے کو عید کا اعلان کیا لیکن اس سے قبل مردان، اور دیگر علاقوں میں جمعے کو عید منانے کے اعلانات ہو چکے تھے اور جو لوگ اعتکاف کیلئے مساجد میں بیٹھے تھے وہ بھی اعتکاف ختم کرکے گھروں کو چلے گئے ۔
دوسری جانب خیبر پختونخوا میں دو عیدین کی روایت امسال بھی برقرار رہی ، مردان، بنو، رستم، ضلع خیبر، ،باجوڑ او مہمند میں کہیں کہیں عید الفطر بنائی گئی ۔
عید کے موقع پر عید کی نماز کے اجتماعات ہوئے جس میں ملک کی ترقی ،خوشحالی اور استحکام کیلئے دعائیں مانگی گئیں ۔
دریں اثنا سعودی عرب اور خلیجی ممالک سمیت دنیا بھر کے کئی ممالک میں آج عید الفطر مذہبی جوش و جذبے کے ساتھ منائی گئی ۔
نماز عیدالفطر کے سب سے بڑے اجتماعات مسجد الحرام اور مسجد نبویؐ میں ہوئے، جہاں لاکھوں فرزندان توحید نے نماز عید ادا کی اور روح پرور مناظر دیکھنے میں آئے ۔
خادم حرمین شریفین شاہ سلمان بن عبدالعزیز نے دنیا بھر کے مسلمانوں کو عیدالفطر کی مبارکباد دی، انہوں نے عالمی امن و استحکام کیلئے کوششیں جاری رکھنے کے عزم کا بھی اعادہ کیا اور امت مسلمہ کیلئے امن، سلامتی اور استحکام کی دعا کی ۔
