سکیورٹی فورسز نے شمالی وزیرستان کے علاقے سپن وام میں کامیاب آپریشن کرتے ہوئے دہشتگردوں کے اہم کمانڈر سمیت 5 دہشتگردوں کو ہلاک کردیا ۔
سکیورٹی ذرائع کے مطابق خفیہ اطلاع پر آپریشن میں انتہائی مطلوب دہشت گرد سرغنہ خارجی عمر عرف جان میر عرف تور ثاقب 4 دیگر دہشت گردوں سمیت اپنے انجام تک پہنچا دیئے گئے، خارجی سرغنہ عمرعرف جان میر عرف ثاقب تور کے سر کی قیمت 30 لاکھ روپے مقرر تھی ۔
سيکيورٹی ذرائع نے بتایا کہ ہلاک فتنہ الخوارج کا سرغنہ سکیورٹی فورسز اور شہریوں پر کئی دہشت گرد حملوں کا ماسٹر مائنڈ تھا، جبکہ خارجی عمر عرف ثاقب تور نے سپین وام میں بوبالی مسجد کے اطراف علاقے میں زیر زمین بنکر، سرنگیں اور بارودی جال بچھا رکھا تھا ۔
سکیورٹی فورسز نے مربوط حکمت عملی کے تحت دہشت گردوں کو گھیرے میں لے کر جہنم واصل کیا ہے ۔
