روسی خبر ایجنسی کے مطابق صدر پیوٹن کے ترجمان دمتری پیسکوف نے صحافیوں سے گفتگو کرتے ہوئے کہا کہ روس ایران سے متعلق تنازع کے حل اور مشرق وسطیٰ میں پائیدار امن کے قیام کے لیے ثالثی کرنے کے لیے تیار ہے۔
روسی صدر کے ترجمان کا کہنا تھا کہ روس ہر صورت میں مذاکرات کے جاری رہنے اور جنگ بندی کے تسلسل کا خیرمقدم کرےگا، ہم سمجھتے ہیں کہ کسی بھی صورت میں دوبارہ جنگی کارروائیوں کی طرف نہیں لوٹنا چاہیے، یہ نہ ایران کے مفاد میں ہے اور نہ ہی عالمی معیشت کے مفاد میں ہے۔ ہم ہر ممکن کوشش کریں گےکہ بالآخر امن قائم ہو، ایسا یقینی امن جس میں دوبارہ لڑائی کی طرف واپسی نہ ہو۔
ایک سوال کے جواب میں ان کا کہنا تھا کہ ایران کے حوالے سے روس میں مذاکرات کا انعقاد ایک پیچیدہ معاملہ ہے اور اس پر مزید غور کی ضرورت ہے،کچھ اس پر متفق ہوسکتے ہیں اور کچھ نہیں، کسی بھی تجویز سے پہلے ہمیں تمام پہلوؤں پرکام کرنا ہوگا۔
