پاک فوج نے آزاد کشمیر کے سیلاب سے متاثرہ علاقوں میں ریسکیو آپریشن کرتے ہوئے 8 بچوں اور 7 خواتین سمیت 25 افراد کو نکالا جو شدید بارشوں اور سیلاب کے باعث سیلابی نالوں میں پھنسے ہوئے تھے۔
تمام متاثرہ افراد کو بحفاظت نکالنے کے بعد ضلعی انتظامیہ کے تعاون سے محفوظ مقامات پر منتقل کر دیا گیا۔راشن کی تقسیم اور خوراک کی فراہمی کے علاوہ متاثرہ افراد کی مالی امداد بھی کی گئی۔ پاک فوج کے کامیاب ریسکیو آپریشن کو مقامی رہائشیوں اور ضلعی انتظامیہ نے بے حد سراہا ہے۔
