حج 2027 کی رجسٹریشن کا باقاعدہ شیڈول جاری کردیا گیا، اعلامیہ وزارت مذہبی امور کے مطابق حج 2027 کےلیے رجسٹریشن کل 22 جون سے شروع ہوگی ۔
اسلام آباد: وزارت مذہبی امور کی جانب سے جاری اعلامیے میں کہا گیا ہے کہ رجسٹریشن کی کوئی فیس وصول نہیں کی جائےگی، حج 2027 کی رجسٹریشن ’’پہلے آئیے، پہلے پائیے‘‘ کی بنیاد پر ہوگی ۔
اعلامیے کے مطابق سرکاری اور نجی حج اسکیم دونوں کے لیے رجسٹریشن لازمی قرار دی گئی ہے، رجسٹریشن کے بغیر حج 2027 کے لیے درخواست جمع نہیں کرائی جاسکےگی، درخواست گزار کے پاسپورٹ کی معیاد کم از کم 26 نومبر2027 تک مؤثر ہونا ضروری ہے ۔
اعلامیے میں مزید کہا گیا ہے کہ ایک خاندان کے افراد مشترکہ طور پر رجسٹریشن کرا سکیں گے، بیرون ملک مقیم پاکستانیوں کےلیے بھی حج رجسٹریشن کی سہولت ہوگی ۔
اعلامیےکے مطابق حج رجسٹریشن ملک بھر کے مقررہ بینکوں سے کرائی جاسکےگی، عازمین گھر بیٹھے آن لائن بھی حج رجسٹریشن کراسکیں گے، رجسٹریشن کے بعد ہی سرکاری یا نجی حج اسکیم کا انتخاب ممکن ہوگا ۔
